Washington Open: Bopanna o Mergea na quarterfinal-i iogo

Washington, August 04 (Agencies): India nunger Rohan Bopanna aser pa den külemi asayasang, Romania nunger Florin Mergea nati Britain nunger Andy Murray aser Canada nunger Daniel Nestor na madak takok ngua tang tasayadak Washington Open tebur doubles shilem indang quarterfinal asayatsü jenjang yashi Hombar nü nguogo.
Tan asayamong nung 3 buba jenjang abener, Bopanna o Mergea nati ghonda ka shi nung points 2-6, 6-1, 10-3 ngua Murray o Nestor na tsüdaktsü.
Bopanna o Mergea nati Bulgaria nunger Grigor Dimitrov aser America nunger Mardy Fish na den quarterfinal nung ajuruteptsü.