India asayartemi World Summer Games medal 6 agizükogo

New Delhi, August 04 (Agencies): India sorkari ketdangsüa Delhi nung tentetba Asha Kiran Home nung alir tangar memenepba asayartemi US nung ayongba World Summer Games 2015 asayamong nung medal 7 tashi agizüka India nem konang tulu bener arutsüogo.
Arishi küm 17 tain Phoolan Devi-i bench press shilem indang gold medal agizükba den külemi, all lifts, dead-lift aser squat lift shilem nunga bronze medal 3 tashi agizükba osang jangjaogo ta Delhi sorkari tanü Mongolbar nü metetdaktsü.
Taoba July ita 25 nü nungi tan August ita 2 nü tashi Los Angeles yimti nung asayba asayamong nung Mathru-i softball team tetoktepba aser Patto-i 800m asemtepba shilem nung gold medal ka ka agizüka liasü ta sorkari ashi.
Delhi aser India tesem balala nung ayongba terenemshiba sentong 4 densema district, state aser national sabang nung ayongba championships balala nung takok ngua shilem agirtem Special Olympics-Bharat-i shimtetba sülen parnoki World Summer Games 2015 nung shilem agiba osang jangjaogo.