Hon jenjang anogo 4 tashi atonga tajemba akümer

New Delhi, September 01 (Agencies): India nung hon jenjang anogo pezünü tashi atonga tajemba küma, Brihostibarnü hon touzük gram 10 nung sen 30,950 agi ayokba osang angazükogo.
Ajisüaka, taribi jenjangbo sen 100 agi timba küma, tanü seret nung sen 44,900 agi yoka liasü.
Alima shishilembaba sabang nunga hon jenjang noklang nung shilem 0.1 agi tajemba akümba osang jangjaogo.
Alimar shishilembaba sabang nung hon ajema alizükba den külemi, India nunger hontaribi osettsüset yanglur aser hontaribi yokshirtemi hon ajema bushiba ajanga hon jenjang  anogoshia sen 100 agi tanü tashi tajemba akümba osang bushitetogo.