September 01, 2016 nü KMC conference hall, Kohima nung CMO Kohima, Dr. Avinuo Metha-i Community Awareness on Tobacco Control training agir dokan amenertem nem certificates lemtsüba noksa nung angur.
Kohima, Sept. 01 (TYO): September 1, 2016 nü KMC conference hall, Kohima nung dokan amenertem nem Tobacoo Control Training ka “Moko masü taküm shimmang” omen nung katsüogo.
Iba sentong nung jembidang Chief Medical Officer (CMO) Kohima, Dr. Avinuo Metha-i dokan amenertem dang customer tem dang moko agi yangluba chiyungtsütem ayokdang kanga kümdangtsüla, ta mepishi.
Arishi km 18 ser tekübok tanurtem dang moko agi yanglubatem ayokbaji ozüng nung aibelen lir ta shia lai, tarutsü putu lanurtem taküm kümzüktsü atema shilem aser khuret agidaktsüner, ta mepishi.
Iba sentong ya Health & Family Welfare, Nodal Officer, Dr Arenla leniba nung agi aser Psychologist, Hily Wanth-i Cigarette and Other Tobacco Product Act (COPTA) 2003 indang power point presentation ka agüja liasü.
You must be logged in to post a comment Login