NSCN (IM)-i Mizoram ketdangsertem den tongtepratep

New Delhi, August 04 (Agencies): Osang angazükba agi, Mongolbar nü Bangladesh, Chittagong Hill Tracts region nung NSCN (IM) commander, “Colonel” Apum-i parnok Mizoram adena India-i meyipa arutsü asoshi tongtepratepogo.
Bangladesh anüdoklen tsütsü arem nung aliba NSCN(IM) teloki Mizoram ketdangsertem dang, par telok aser Centre na tsüngda yimjung tezüngzüktep agiba sülen Nagaland-i aotsü atema state adentsüji lenmang tatsütiba, anungji parnoki transit teyari nüngdaktsü, ta shiogo.
NSCN(IM) sepaitem tetsür aser tebur senteper 50 shi Bangladesh nung International arrtsü nungi talangka pila moi Mizoram, western Mamit District anasa tesep ka nung lir, ta tongti ketdangser kati ashi.
Ajisüaka transit ji koba mapang nung asütsü’ar mejangja.
1990s nunga NSCN(IM) sepaitemi anaben tashi Mizoram state ajanga arua lir, aser iba mapang nung security sepaitem den khatepdang züngsem karbo Mizoram state telung nung prokshia liasü.
Taoba mapang telungpur telok Mizo National Front-i sangdong ka ajanga shiba agi, Hombar aonung 9:30 ako meta Thuingaleng Muivah aser Isak Chishi Swu napronglai taoba Chief minister aser MNF tongti Zoramthanga den phone ajanga jembidang India sorkar aser NSCN (IM) na tsüngda yimjung tezüngzüktep agiba nung yariba asoshi pa dang pelaba lemsatepa liasü.