SSU-i Teacher’s Day sentong ayonger

Mokokchung, Sept 2 (TYO): “Mark of a Teacher” omen nung ajemdaker Soyim kaketshir (SSU)-i Sept 5, 2016 nü, anepdang 10:00 ako nungi tenzüka Babu Tsübu Amphitheatre Ungma nung tesayur anogo sentong ka ayongzüka lir. Iba sentong nung Tuensang Deputy Commissioner, Alem Jongshi (NCS) tongti o jembir asütsü jaoka lir, ta SSU tongti zülur Temjennungsang Jamiri sangdong ka ajanga metetdaktsü.
Iba sentong nung Ungma lushi kübok aliba school aser rejutem ajak arua adentsü asoshi paisa ayongzüka metetdaktsü.