Kohima police-i SP süngjang 16,100 apu

Dimapur, September 3 (TYO) : Kohima police-i Peducha check gate nung garitem mita reprangdang Manipur leni aoba passenger bus gari ka nung ozüng alema shibelenba mozü aika bena aliba apu.
Police-i Spasmo proxyvon süngjang 16,100 angu aser iba dak sendakba nung nisung ana apu. Tenaji Thoubal nungi Taher Ali’er jabaso Md. Amir Khan aser Imphal nungi asür Amir Ali’er jabaso Md. Amin Khan na ta jangjaogo, ta Sub-Divisional Police Officer (South) & PRO Kohima-i sangdong ka nung metetdaktsü.
Tenaprongla police ket nung lir aser Sechü(Zubza) P.S nung ken o ka benokogo, ta Kohima Police-isa metetdaktsü.