Assam Rifles-i NSCN(K) züngsem ka apu

Dimapur, September 3 (TYO) : 32 Assam Rifles-i Dimapur kübok Burma Camp tesem nung mita aodang NSCN(K) Capt ka apu, ta Assam Rifles sangdong ka nung metetdaktsü.
Iba nisungji Capt Toishe Sema ta jangjaogo aser pai NSCN (K) tenüng nung Dimapur nung ozüng alema sen saruba nangzük, ta AR sangdong nungsa shia lir.
Pa ket nungi cash receipt aser taitsü aketba kulikakettem angu. Pa ya Thahekhu yimtsüng nung taa agüja ki ka nung liasü aser pai lanurtem parnok telok nung adentsü atema ajungmesotsü merang. Pa dang maneni asüngdangya asütsü atema East Police station ket nung agütsüogo, ta AR-isa metetdaktsü.