Asayar shimtsü sentong agitsü: DDTT

Dimapur, September 03 (TYO): Tarutsü mapang asayatsü ayongba Nagaland Open & Inter-District Table Tennis Championship asayamong atema asayar shimtsü sentong tan September ita 28 nü nungi taruba October ita 1 nü tashi nikongtsütsü 4:00 ako nungi tenzüka Dimapur kübok Multi-purpose Indoor Stadium nung agitsü renemba osang ka Dimapur District Table Tennis Association (DDTTA) nung General Secretary, Dilip Sharma-i tanü sangdong ka ajanga metetdaktsüogo.
Junior, Youth, tebur singles, tetsür singles aser team shilem küma lemsar asayar shimtsü sentongji agitsü renema lir.
DDTTA nung tenüng züluoka alir Table Tennis (TT) asayar shiai tan agitsü renemba asayar shimtsü sentong nung toktepa shilem agitsü tayongzükba olen ka Dilip-i metetdaktsü.
Tejangrartemi pei tenüng züluoktsü aser tenüng züluoktsü taasen agütsütsü den sentakba maparen inyaktsü atema DDTTA Technical Secretary-tem den stadium nung nikongtsütsü 4:00 ako ser tema mapang nung ajuruteptsü asoshi Dilip-i kasa sangdong ajanga metetdaktsüogo.