Singapore nung zika agi shiranger tasen 27 putet

Singapore, September 4 (Agencies) : Zika viru agi kongshir aliba nisung 27 putetsemogo, ta Deobarnü ketdangsertemi metetdaktsü.
Tang puteta aliba rongnungi parnok 25 bo Aljunied Crescent, Sims Drive, Kallang Way aser Paya Lebar Way cluster tesemtem nungi lir, ta Ministry of Health (MOH)-i sangdong ka nung ashiba Xinhua news agency osang ajanga metetdaktsü.
National Environment Agency (NEA)-i iba merla (Aedes mosquito) prokshiba nokdangtsü atema maneni kanga mezüngi inyakdar.
September 3, 2016 tashi nung iba merla poktetba tesem 62 puteta samatsüogo.
Ketdangser aser acha awartemi Paya Lebar Way aser Kallang Way tesemtem nung zika nungi kümzüka alitsü indang maneni tesayuba agütsüdar aser mapa balala inyakdar.
Zika agi shiranger August 27 nü mezüng putetba sülen tang tashi nung nisung 242 dak puteta lir.