NBSE kübok Secondary Science tesayurtem atema worskhop ayongzüka agi

Dimapur, September 4 (TYO) : August 30 & 31, 2016 anogotem Nagaland nung Secondary Science tesayurtem atema workshop ka ayongzüka agi.
Iba sentong ya Nagaland Board of School Education (NBSE), Kohima aser Laxmi Publication Pvt. Ltd yaritepa ayongzük aser NBSE indang Conference Hall nung agi.
Sentong nung NBSE nung register süa aliba school 55 nungi tesayurtem aden aser shisalen sayurtemji, Dr. Debajit Dutta aser Sandip Sen na liasü.
Shisalen sayurtemi school nung Science azüngba jenjang tajungba kümdaktsütsü aser tesayurtem indang sayuyim melenshitsü indang onüktem lemsatep.
Sentong tenzüka NBSE Chairman, Asano Sekhose-i o jembidang, kaketshirtem dak takoktsü teimla aliba indang onük lemsatep aser laisa science angazükdaktsütsü atema sayuyim tajungba nung melenshitsü atema ayongzük.
Anogo ananü workshop tembangba sentong nung NBSE Controller of Examinations, Rangumbuing Nsarangbe-i sayuba-angazükba inyakyim nung temelenshi bener arutsü atema tayongzükba agütsü.