US Open 2016:Semi Final nung Djokovic aser Nadal asayatsü akok

New York, September 4 (Agencies) : Novak Djokovic aser Rafael Nadal naprong pei round asayaba nung kokyonga atu nungbo semi final nung tena asayashitsü akok. Tenaprongla teben tabenlenlen yirur iba asayamong nung shilem agirdar.
September 05, 2016 nü 4buba round nung N. Djokovic aser K. Edmund na aser R. Nadal aser L. Pouille na asayatsü.
Tena tsüngda tang tashi nung 49 ben asaya aruba nung Djokovic-i 26 ben aser Nadal-i 23 ben koka lir.
Tetsür kija asayaba nung Serena Williams-i 4buba round tonga lir.
World number one Williams-i 3buba round nung Sweden tsür Johanna Larsson madaka 6-2, 6-1 agi takok angu. Iba takok anguba ajanga lai Martina Navratilova-i grand slam asaya 307 ben koka aliba ajatetba dang masü saka tebur kija asayar Roger Federer-i takok anguba den saku küma otsü tasen yangluogo.
Tetsür tarep asayaba nung Sania aser Czech Republic nungi Barbora Strycova nati 6-2, 7-6(5) agi Viktorija Golubic aser Nicole Melichar na madak takok anguba sülen 3buba round nung Nicole Gibbs aser Nao Hibino na den asayatsü.
Bopanna aser Canada tsür Gabriela Dabrowski nati tetsür aser tebur temoyoktep asayaba nung Lukasz Kubot aser Andrea Hlavackova na madak 5-7, 6-3, 10-7 agi takok angu aser quarter final nung Robert Farah aser Anna-Lena Gr nefeld na den asayatsü.