Aamir o Amitabh nati ‘Thugs of Hindostan’ nung aroki shilem agitsü

New Delhi, September 07 (Agencies): Aamir Khan-i India nunger film actor mongin, Amitabh Bachchan den aroki film nung shilem agitsü renemba osang metetdaktsüogo.
Yash Raji Films-i yanglutsü renemba ‘Thugs of Hindostan’ film 2018 küm Diwali mapang sayatsü renema lir.
India nung yangluba film balala nung tongtipangsüa shilem agi aka, Aamir aser Big B nati tanü tashi film nung aroki shilem agi mali aser iba yongji, ‘Thugs of Hindostan’ film ya tenati tan mezüngsüa aroki shilem agiba film ka alitsü.
Big B-i tanüngba Khan kin actor – Shah Rukh aser Salman na den aroki film nung shilem agia lir.
‘Thugs of Hindostan’ film ya kaketzülur, Philip Meadows-i 1839 küm züluba ‘Confessions of a Thug’ otsükaket nung ajemdaker yanglutsü renema lir.
Kasa film ya ‘Dhoom:3’ film direct asüsang, Vijay Krishna Acharya-i direct süa yanglutsü renemogo.
Aamir-i tesüsa shilem agiba ‘Dangal’ film taküm küm tatemlen aser Big B-i shilem agiba ‘Pink’ film hopta ana shi lir alima dang sayatsü renemba osanga angazükogo.