Jacqueline-i New York Fashion Week nung shilem agitsü

Mumbai, September 07 (Agencies): Actress, Jacqueline Fernandez-i tang mezüng New York Fashion Week (NYFW) nung shilem agitsü aser lai, ‘iba sentong nung ni tobur ajung aser fashion sayatsü renema lir’ ta shiogo.
New York Fashion Week ya September 8, 2016 nü tenzüktsü aser September 15, 2016 nü tashi akatsü.
Tawa Jacqueline ya India nung kou anepaluba brand TRESemmé atema Brand Ambassador shimogo, aser la iba sentong nung adentsü atema tanü apusoa ogo.
Sangdong ka ajanga Sri Lanka tsür Jacqueline-i, “India nung brand TRESemmé atema Brand Ambassador ka ama tang ni mezüng New York Fashion Week nung adentsü atema kanga yongyar,” ta metetdaktsü.
Laisa, “Item ajungaji fashion aser style indang dang lir. Iba sentong nung ni tobur ajung aser fashion trends sayatsü matateter,” ta ashi.
New York Fashion Week nung TRESemmé ya official backstage partner ka lir.
Fashion sentong nungsa Bollywood actress aser “Jism 2” star, Sunny Leone-ia designer Archana Kochhar indang collections sayatsü.
September 8 nü Sunny Leone-i iba show tenzüktsütsü.