Mercedes-i GLS 400 4MATIC petrol gari sayaogo

Chennai, September 07 (Agencies): Mercedes-Benz-i GLS 400 4MATIC sayaba ajanga parnok indang petrol portfolio maparen tembangogo.
GLS 400 4MATIC ya V6 petrol engine agi tashi agütsür. Joko tangbo customer temi GLS diesel aser petrol versions naprong angutsü.
Iba gari diesel version sayaba sülen ita asem tsüngda kija nung menden 7 aliba luxury SUV petrol gari ya India tongogo. Alima nung GLS market temaba jenjang 10 rongnung India-a densema lir. Taküm Mercedes+ -Benz India-i sayaba gari tibubaji GLS 400 4MATIC ya lir aser CBU ama offer asür. Tatem küm tatemlen nungi tenzüka linük nunga iba gari yanglutsü.
GLS 400 4MATIC nung V6 petrol engine lir aser 245 kW (333 hp) agütsüba den 480 Nm of torque agütsür. Iba gari ya sentsü ana- polar white aser obsidian black nung angutsü.
Gari nung Harman KardonLogic 7-surround sound system, COMAND Online aser Apple CarPlay lir.
Iba gari jenjang ya sen lakh 82.90 (ex-showroom, New Delhi) lir.