Assam sorkari Majuli asetkong nung cabinet senden amentsü

Guwahati, September 7 (Agencies) : Brihostibarnü Assam sorkari Majuli asetkong nung cabinet senden ka amentsü.
Majuli Island ya tang sub-division ka lir aser maneni iba tesem ya full-fledged district ka akümba osang sangoktsütsü.
Osang ka ajanga ashiba agi, Assam Chief Minister Sarbananda Sonowal aser minister aika Majuli tongogo.
Tang mezüngbuba atema Majuli Island nung Cabinet senden amentsü. Iba tesem ya putu 15 buba nung saint Srimanta Sankardev-i prokshiba Vaishnavite sobaliba indang tematiba menden liasü.
“Assam nung sorkar ketdangsübaren nung Majuli ya tongtipang tesem ka kümdaktsütsü aser iba jagi nübortemi Majuli indang tashi tejangja metettsü” ta Assam CM Sonowal-i osangbenertem dang ashi.