Laos nung US Tir, Obama o PM Modi na senden amentsü

Washington, September 07 (Agencies): Laos yimtiba, Vientiane nung ASEAN Summit alidang asüng US Tir, Barack Obama-i Ato kilonser, Narendra Modi den jurila senden ka amentsü, ta Bodhbarnü White House nungi sangdong ka ajanga metetdaktsü.
“Nikongdang Tiri India Ato kilonser Narendra Modi den linük ana tsüngda tesentaktep senden ka amentsü,” ta White House sangdong nung shia lir.
Küm ana tsüngda Modi aser Obama na tsüngda ibaji senden tibenbuba amener asütsü. Obama-i jaokba nung ajemdaker 2014 küm September ita Modi-i Washington DC semdangba mapang tena tsüngda mezüngbuba sendenji White House nung mena liasü.
Taoba Deobarnü China, Hangzhou nung G20 summit alidanga Modi aser Obama na jurila senden mena liasü, iba mapang nung US Tiri alima rongsenkettsüng tensa tasak ka nung alidang India-i GST atema tasütait mera agiba atema tenüngsang agütsü.
Obama aser Modi na senden tembangli Obama-i osangbenertem senden ka nung jembitsü sentong lir.
Osangbenertem senden tembangli pa Yokota, Japan ajanger US-i aotsü.