Niger:Tzümetsüng agi nisung 38 asü, 92000 talidak maka kümogo

Niamey, September 8 (Agencies) : Alima nung sensaktiba linük rongnung ka ta züngshia aliba, Niger linük nung taküm June ita nungi tang tashi nung tzümetsüng ajanga tajemba agi nisung 38 süogo aser nisung 92,000 dak tema talidak maka kümdaktsüogo, ta United Nations (UN) sangdong ka ajanga metetdaktsü.
Coordination of Humanitarian Affairs, UN office-i, tzümetsüng agi asür ajak agi nisung 14 ang liasü ajisüaka August ita tzünglu tesashi aluba mapang tzümetsüng adokba ajanga tasür tali aküm, ta ashi.
Kiset shiruru 26,000 dak tema samaogo aser ki 9,000 dak tema meshi meshia samatsüogo, ta sorkari bendena aliba osang nung ajemdaker UN-i ashi.
Bangdakpur aser NGO temi tang tashi nung nisung 50,000 dak tema nem teyari balala agütsüogo aser ki malirtem aika school aser telok indang ki kar nung jenokdakja lir, ta UN-i shisem.
Lisem lima tiyong nung süaka anüdoklentip tsütsü, Agadez aser anülolen tsütsü Tahoua tesemtem den anülolentip tsütsü Maradi tesem dena tzümetsüng agi kanga mejungi kongshi.
Niger nung tzü maliba ajanga chiyungtsü agi kanga okrongba sülen tang ya tzünglu kanga aluba mapang ka lir.
Niger nung tang refugee 300,000 arua aliba aser linük nübur kar anülolentip tsütsü anüdoklen kidanger linük, Nigeria nung aliba Boko Haram telok nung adentsü aoba tebilemtsü agi sünga lir.