Lata Mangeshkar-i Asha Bhosle asoba anogo nung la moatsü

Mumbai, Sept. 8, 2016 : Melody queen Lata Mangeshkar-i teno tanutsüla Asha Bhosle September 08 nü, arishi küm 82 ajungba tenüng nung moatsü.
Arishi küm 86 tain, kentener, Lata Mangeshkar-i Twitter nung Bhosle asoba anogo tepela salem lemsatepba liasü.
“Namaskar, tanü ya keno tanutsüla Asha Bhosle tasoba anogo lir. Ni la nem temoatsü ajak angütsür. Tsüngremi la teti pelaa yujangma,” ta lai twitter ajanga lemsatep.
Ano laisa 1966 küm tangoba “Teesri Manzil” film nung aliba, Bhosle indang ken “O Haseena Zulfonwali” video-a lemsatep.
“Ni kanga sapua anganüba, Asha aser (Mohammad) Rafi nati atenba ken nenok nema angadangtsü atema inoktsür,” ta lai Twitter nung video den külemi zülua yutsü.
Actor Rishi Kapoor-ia 1975 küm pai shilem agiba “Rafoo Chakkar” film nungi noksa ka inoktsü. Iba film nung pai Bhosle den külemi ken ka tena lir.
“Happy Birthday Asha Bhonsle ji. Ni nü den külemi ken atenba aikatibo memetet. (“Rafoo Chakkar”(1975),” ta Rishi Kapoor-i Twitter nung post asü.
Mika-ia, “Music nung tesayur Asha Bhosle ji dang tasoba anogo tepela salem ashir…Nü taküm temoatsü ma nung arishi talangka liangma…Tsüngremi na moajang,” ta twitter nung lemsatepa liasü.
Director Madhur Bhandarkar-i, “Happy birthday @ashabhosle Tai. Nai ken nung atemba ama nai putu shia nüburtem ajungmesor.. #Livinglegend,” ta twitt asü.