Spice Girls longjemtsü:Mel B

London, September 10, 2016 : Mel B ta ajala, kentener Melanie Brown-i Spice Girls küm 20 ajungba nüngtem nung longjemdang Geri Halliwell aser Emma Bunton na den ajuruteptsü.
Mel B-i “The Late Late Show with James Corden” sentong nung shilem agiba mapang Spice Girls longjemer shilem agitsü indang jembia liasü, ta aceshowbiz.com osang ajanga ashi.
“Onok asem longjemer langkabosa inyaktsü. Onok asemi ken atenba ajanga nüburtem pelatepdaktsütsü,” ta James Corden-i ner asem longjemtsü olulu angashiogo ta ashidang Mel B-i langzüa liasü.
Iba tour kong agitsü ta asüngdangdang Mel B-i, “Onok Britian kentener telok lir anungji London nungi tenzüktsü akok aser tejangrar aliba tesem kar nung akatsü,” ta langzü.
Brown-i asaya menüa kechiba ner asemdang ta asüngdangba mapang lai, “Kechiba süra Melanie C (Mel C) aser Victoria Adams na dak tejangraba mali,” ta ashi.
Arishi küm 41 tain, Mel B-i, “Victoria fashion mapa nung aser Mel C la kensep nung kanga mazüngtepi alir anungji tenati ozü asem longjemer iba tour jajatsü ashi,” ta rasaa ashi.