32 AR-i prangpong shibelener ka apu

Dimapur, September 10 (TYO): 32 Assam Rifles sepaitemi osang tejangja ka lazükba sülen September 4, 2016 nü Dimapur, Duncan Basti kiyong nung prangpong ayoker ka apu, paji Anan Konyak’er jabaso Azan Konyak (25) lir ta jangjaogo, aser pai pa ozüng alema prangpong shibelener ka lir ta nangzükogo, ta 32 AR sangdong ka ajanga tanü metetdaktsü.
AR sepaitemi pa ket nungi point 22 mm Pistol ka, point 22 mm injang asem aser 7 point 65 mm injang ter ser asem ngutet. Nisungbaji West Police Station ket nung agütsüogo, ta kasa sangdong nungsa shia lir.