Bundesliga: Bayern teloki goal 2-0 agi Schalke akok

Munich, September 10 (Agencies): Poland nunger striker asayar, Robert Lewandowski-i goal agütsüba densema, par Bayern Munich teloki goal 2-0 agi Schalke 04 telok madak takok ngua Bundesliga asayamong nung yashi, Hokolbar nü shilem agiogo.
Bundesliga asayamong tenzükba asaya nung par teloki Werder Bremen telok madak goal 6-0 agi takok angutsüsa hat-trick yanglusang, Lewandowski-i yashi asaya tenzüker minute 81 buba nung goal 1 agüja par Bayern telok temaba jenjang nung ajungkettsü.
Tesülen, asaya tembangtsü mapang nung Lewandowski-isa pass tajung ka yanglutsüba ajanga par substitute asayar, Joshua Kimmich-i par Bayern telok asoshi 2 buba aser takokba goal agüja liasü.