Modi’er sorkari tetsür yaritsü atema phone nung ‘panic buttons’ enokdaktsünür

New Delhi, August 05 (Agencies): India nung tetsürtem lendong nungi kümzüka ayutsü onük kanga tongtibang süa jembiba mapang ka nung sorkari sentong tasen ka atongogo.
Tetsürtem timtem ajurudang yaritsü atema Narendra Modi’er sorkari mobile phone yangluba company tem dang linük nung ayokba phone tem nung ’emergency panic button’ enoksemtsü tetuyuba agütsüogo.
Tetsürtem lendong nung yaritsü atema apps aika purapiteta yangluogo, saka nüngdak dang item amshitsü asoshi mapang talanglang agir. Iba nungji ajemdaker sorkari khen dang anemba emergency system ka aginür aser ibaji ‘panic button’ ka asütsüla.
Komaser ‘panic button’ ajanga mapa inyaktsü:
# Lendong ajuruba mapang phone melapoki dang panic button nung anemtsü.
# Iba panic button anemba ajanga enoka aliba number kar (kinüngertem, emergency contact numbers) dangi SMS yoktsü aser location information dena agütsütsü.
# Tetsürtem yaritsü atema yanglua aliba safety apps aika smartphone nung dang amshiteter, saka iba panic button yabo phone mashi ka nung enoktettsü.
# Tanurtemi mashi manemtsü mesüra memeti mokongshitsü atema iba panic button nungji talangka anemtsü mesüra anaben anemtsüsa yanglutsü.