‘The Light Between Oceans’ India nung Sept 19 nü sayatsü

New Delhi, September 13 (Agencies): Actor Michael Fassbender aser Alicia Vikander nati tongti shilem agiba romantic drama film ‘The Light Between Oceans’ tan ita sayatsü; iba film ya Steven Spielberg-i Reliance Entertainment den co-produce asüba film lir.
Derek Cianfrance-i direct asüba film ya September 19, 2016 nü sayatsü, ta sangdong ka ajanga metetdaktsü.
Iba film otsü nung, sepai ka Europe nung World War I mapang rarar par linüki meyipa arur. Pa aser kinüngtsü na  lighthouse ka nung küm aika kanga pelatepa liasü. Mapang ka nung tenati kinü tanur tetsür chanu ka lifeboat ka nung tzüyimküm nung taküm aliba angur.
Tenati tanurji anepalur aser tesülen tena chir ama agir, iba sülen küm aika lir tena mezüng aliba tesemi meyipa aodang tanur tasola tetsüri la bushia arur, iba sülen film tongti otsü tenzüker.
Kasa film nung Rachel Weisz aser Bryan Brown nati shilem agir.
‘The Light Between Oceans’ film ya mezüng September 1 nü 73buba Venice International Film Festival nng sayaa liasü.