Esha Gupta-i India Runway Week 2016 nung shilem agitsü

New Delhi, September 13 (Agencies) : Indian runway week Autumn/Winter 2016 nung actress Esha Gupta-i designer Yoshita Yadav atema tongti shilem agitsü.
Yadav-i tan mezüng atema fashion week nung la indang label- Yoshita Couture sayatsü aser lai Lucknow yimti ajanga ajungemesoa purapitetba sübotsütem sayutsü.
Lucknow ya Northern India atema fashion yimtiba ama züngshir.
“Taküm collection atema onok Yoshita Couture nung nokkang nung noklang Varanasi & Bengaluru nung yangluba Indian woven Raw Silks amshiogo” ta Yoshita Yadav-i metetdaktsü.
“Iba collection nung nenoki Bara Imambara, Chhota Imambara aser Rumi Darwaza amala Mughal nunger nüngshilungtem angutsü” ta laisa shisem.
Lar sübotsütem atema Esha Gupta ji kanga tetemjen tetsür ka lir aser la kanga dang nüngtugu tetsür ka lir, ta Yoshita-isa metetdaktsü.
Yoshita Yadav-i 2012 küm Lucknow nung la indang label tenzük. La ya National Institute of Fashion Technology nungi graduate ka lir aser lai Italy nunga fashion designing course agi.