Salman o Katrina nati ‘Tiger Zinda Hai’ nung shilem agitsü

Mumbai, September 13 (Agencies): Bollywood superstar, Salman Khan aser taoba mapang tedong, Katrina Kaif nati 2012 küm yangluba ‘Ek Tha Tiger’ action-romance film den sentaktepa yanglutsü renemba ‘Tiger Zinda Hai’ film nung aroki shilem agitsü renemogo.
YRF film teloki yanglutsü renemba 2 buba ‘Ek Tha Tiger’ film ya Ali Abbas Zafar-i direct asütsü renema lir.
“‘Ek Tha Tiger’ film nung Salman aser Katrina nati maneni külemi shilem agitsü renema lir,” ta Zafar-i Twitter ajanga osang jangjashitsü.
1 buba film nung Tiger ta tenüng jaloktsüba India nunger itangiter, Salman-i par bushisüngdang mapatong inyakdang Pakistan tsür itangiter, Katrina ajurua tena meimteper.
Salman aser Katrina nati aroki shilem agiba film 5  buba, ‘Tiger Zinda Hai’ film ya sangküm, 2017 Christmas mapang alima dang sayatsü sentong lir.
Tenati ‘Tiger Zinda Hai’ dak alaka, taoba mapang ‘Maine Pyar Kyun Kiya?’, ‘Partner’, ‘Yuvraaj’ aser ‘Ek Tha Tiger’ film-tem nung shilem agia lir.