Probationers teloki NSCA football asaya kokogo

Dimapur, September 13 (TYO): Nagaland Civil Service Association (NCSA)-i ayonga asayaba football asaya nung 2014-16 batches (Probationers) teloki senior NCS officials telok madak tan September ita 10 nü takok ngua Kohima kübok Nagaland Civil Secretariat Plaza nung asayaba osang ka NSCA Tir, Kevekha Zehol-i tanü sangdong ka ajanga metetdaktsüogo.
Kohima District Football Association (KDFA)-i ketdang süa asayaba minute 80 talang asaya nung telok anapronglai kanga meranga asaya saka Probationers teloki goal 4-3 agi Senior telok madak takok ngua liasü.