Dimapur DPDB senden agiogo

Dimapur, August 5 (TYO) : Dimapur district nung August ita atema District planning and Development Board senden agiogo.
Iba senden ya August 5 nü I&FC Parliamentary Secretary aser DPDB Chairman, Jacob Zhimomi lenisüba kübok Deputy Commissioner Dimapur indang Conference Hall nung agi.
Tanü senden nung taoba DPDB senden nung olemtepba onüktem meyipa reprangshi aser Molungtok Rogo Society Dimapur registration asütsü junger ta lemtet.
Senden nungsa Altura Society, Chumukedima Town, Gospel Outreach Ministry, Ntseth Outreach Mission, Ajungla Children Home Society, Hit Squad Boxing Centre aser Kumti Society nungertem registration asütsü onük benoka lemsatep.
Board züngsemtemisa District Hospital Dimapur nung morgue aser Post Mortem facility tajungba yanglushitsü atema jembitep.
Tanü senden nungsa school tasen kar lapoktsü atema bangdak department dangi abentsü lemtet. School temji – Little Buds School, Kuda B village, Charis High School Academy, Chumukedima Town, Quest Public School, East Dimapur Purana Bazar aser Eastern Public School, Eralibill nungertem lir.
Grace Academy, Thahekhu Block 3 up-gradation indang onük taruba senden nung tejangjaba bener arua lemsatepang ta Board züngsemtemi tetuyuba agütsü.
Dhobinalla aser Signal Bosti tsüngda gari lenmang indang onük atema jembidang DPDB Dimapur Chairman-i bangdak department dang iba khuret tekaratiba nung rerangshimtsü temepishiba agütsü.
Taruba DPDB senden nung Transport aser Cooperative department nati departmental presentation agütsütsü atema mapa nungloktsü aser mendenbuba-i anküp tepela o jembia senden tembang.