Global Citizen Festival India 2016 atema ticket ayok tenzükogo

Mumbai, September 16 (Agencies): Global Citizen Festival India 2016 atema mezüng ticket tem online entertainment ticketing brand, BookMyShow ajanga Brihostibarnü nungi ayok tenzükogo aser mezüngpurtemibo iba ticket ya sen 5,000 agia angutsü.
Iba sentong nung British rock band ‘Coldplay’-i tongti shilem agitsü. Iba sentong ya The Global Education & Leadership Foundation aser Global Citizen longjemer ayong, aser sentong ya November 19, 2016 nü MMRDA grounds, Mumbai nung akatsü.
Wizcraft International-i produce asüba sentong nung hip-hop legend Jay Z, aser Bollywood stars Aamir Khan, Ranveer Singh, Katrina Kaif, Farhan Akhtar, Kareena Kapoor Khan, Arjun Kapoor, Shraddha Kapoor, nüngtugu kentener, A.R. Rahman, music composer asem- Shankar-Ehsaan-Loy aser kentener Arijit Singh o Monali Thakur nungeria shilem agitsü.
Ticket ayokba mezüngbuba shilem nung ticket shia sen 5000 dang asütsü. Ticket mezüngbubaren ayokba tembangli tanabuba shilem tenzüktsü, iba sülen  shilem balala lemsar maneni ayoktsü.