Chloe Grace Moretz-i project ajak thinener

September 16, 2016: Actress, Chloe Grace Moretz-i la mapa nungi anisüngzüktsü asoshi la indang taruba film project ajak thinentsüogo.
Arishi küm 19 actress, Chloe-i la ansisüngzüktsü nüngdaker ta shiogo, ta The Hollywood Reporter osang ajanga metetdaktsü.
“Ni kü indang movie ajak thinentsüogo, kechiyong ni, ni shiba-ar junga asadanga kü shilemtem indang tanaben shisadangner. Ni anisüngzüktsüla ta ni rajemogo,” ta Moretz-i metetdaktsü.
Tawa actress Chloe-i crime drama ‘November Criminals’ aser thriller ‘Brain on Fire,’ thinentsüogo, kong lai American journalist aser kaketzülur, Susannah Cahalan shilem agiba den külemi la auto-immune tashidak agi shiranga hospital nung amongba otsü zülur.