Priyanka ‘Highest paid TV actresses’ Forbes list 8buba nung lir

New Delhi, September 16 (Agencies): Bollywood star, Priyanka Chopra, shibai crime thriller “Quantico” nung FBI Agent shilem agia liasü, la India tsür actress rongnung mezüng Forbes 10 highest paid TV actresses rongnung denogo.
2015 June ita nungi 2016 June ita tashi nung Chopra-i US sen million 11 aazükteta lai Forbes list nung jenjang 8 buba nguogo.
Tamalen actress, Deepika Padukone-a  highest paid movie actresses Forbes list nung dena liasü, aser tang TV actresss rongnung Chopra denogo.
2000 küm Miss World takok korang angula, Chopra ya India tsür actress rongnung mezüng Hollywood movies aser TV series nung shilem agir lir. Quantico nung shilem agiba sülen lai Dwayne “The Rock” Johnson den Baywatch movie nunga shilem agidar.
Forbes list highest paid TV actresses temaba jenjang nung Colombia-America tsür actress, Sofia Vergara tang agi küm pongu atonga mezüngbuba jenjang nung lir, lai taoba küm ka nung US sen million 43 aazükteta liasü.
Arishi küm 44 tain “Modern Family” actress, Sofia Vergara-i TV actors teburtem dang nungia sen timba aazükteta liasü.
Forbes tarensen nung Sofia sülen tanabuba jenjang nung “The Big Bang Theory” nung Penny shilem agila, arishi küm 30 Kaley Cuoco lir aser lai taoba küm ka tsüngda US sen million 24.5 aazükteta liasü.
Forbes-i ashiba agi, Vergara-i TV nung shilem agiba, endorsement aser licensing deals ajanga temaba jenjang ya angu.
“June 2015 aser June 2016 tsüngda highest-paid female stars 15-i TV screen nung shilem agiba ajanga aazükba sen ajak agi US sen million 208.5 liasü, aser ibaji taoba mapang dang nungi US sen million 43.5 agi timba lir.”
Ano taruba hopta alima nung highest-paid TV actors list sayatsü, ta Forbes-isa metetdaktsüogo.
Highest paid TV actress 10 rongnung tangartemji item ya lir:
3:   Mindy Kaling ($15 million)
4:   Ellen Pompeo ($14.5 million)
5:   Mariska Hargitay ($14.5 million)
6:   Kerry Washington ($13.5 million)
7:   Stana Katic ($12 million)
8:   Priyanka Chopra ($11 million)
9:   Julianna Margulies ($10.5)
10: Julie Bowen ($10 million)