3 Buba Indian Evangelical Mission North East India, Women Convention Tenzükogo

Medziphema,16 Sept. 2016 : 3 Buba Indian Evangelical Mission (IEM) North East India, Women Convention  sentong ka Omen “Nü süki ulushiang”- Isaia 54:2  nung amendaker, 16th-18th Sept. 2016 tashi MedziphemaTown Ao Baptist Church nung akatsü tenzükogo.
Taonung mezüngbuba sentong “The Pslams” MTABC lanur teloki Tetushi aser Tekülem ani aser Convention sentong lapoka Dr. Watila Jamir, Ms. I. Achila Pongen, APW aser Mrs. Sedeiveno nungeri ken tajung ka aten.Meghalaya nungi delegate kati Lai zünga sarasadem aser iba sülen Mr. Anungba Imsong, Pastor MTABC ajanga tarurtem ajak pela agizük aser Mr. C. Lumdemo Kikon, State Secy. IEM Nagaland-i  tepela O den Delegates (tejaoker) metetpelaba  mapang agi.
Sentong nung EU SASRD Nagaland University Kaketshirtemi “Tesüngmangtsü taochi” indang ken ajanga kuli asü, Mrs. Lois Nhaizalhing Haokip IEM Missionary-i  “Field experience” ta asüba nung amendaker parnoki inyakba nung ajangshiba indang lemsa.
Rev. Mang Yang Chang, Asso. State Secy. IEM Nagaland ajang Tsüngrem Tesüngmangtsü indang O tajung jembia tadenertem ajak temoatsü  ngua agir külen  Dr. Watila Jamir, IETC Medziphema (Convenor Organising Committee)-i sarasadema sentong tembang.
Taonung  mezüng sentong nung Tetsür ajak agi 75 tashi tenüng züluoka aden. Ajioda asüngnep nungi ano Tetsürtem aika arur Tsüngrem temoatsü agitsü aser ngua adentsü teimla lir ta Mr. T. Wati Longchar,Clerk cum Caisher, MTABC-i sangdong  ka nung metetdaktsü.