Tokyo Women’s Open: Cepelova semifinal-i iogo

Tokyo, September 16 (Agencies): Slovakia tsür, Jana Cepelova-i Japan tsür, Kurumi Nara madak takok ngua, Nara-i ayuba pei asayadak Japan Women’s Open takok marok agizüktsü alizüng tanü, Hokolbar nü samatsüogo.
2014 küm WTA singles takok marok agizükla, arishi küm 24 tain Nara-i Kazakhstan tsür, Yulia Putintseva madak takok ngua, quarterfinal asayatsü jenjang angu saka lai points 3-6 6-4 6-1 ang ngua tanü tamakok ajurutsüsa aküm.
Tetsür World No. 16, Cepelova-i break points 6 tashi ajangzüka tanü takok anguba sülen America tsür, Christina McHale den semifinal asayatsü lemzükogo.
Tan asayamong nung 7 buba jenjang abenla, McHale-ia points 6-3 5-7 6-3 agi Switzerland tsür, Viktorija Golubic madak lar quarterfinal asaya koka liasü.
Tan asayamong nung 6 buba jenjang abener, China tsür, Zhang Shuai-ia points 6-7 (4-7) 6-1 6-3 agi America tsür, Varvara Lepchenko quarterfinal asaya nung tsükdaktsüba sülen Czech Republic tsür, Katerina Siniakova den semifinal asayatsü lemzükogo.
Siniakova-ia minute 67 nung points 6-2 6-4 ngua, America tsür, Alison Riske quarterfinal asaya nung tsükdakja liasü.