6 buba Pochury Black Day Memorial Cup tembangogo

Dimapur, September 16 (TYO): 6 buba Pochury Black Day Memorial Cup asayamong yashi, Brehostibar nü tembanga asayaogo.
“Pochury kaketshirtemi iba ama otsüsütsüsa sentong tajung ayonga agiba atema parnok dang pelaba metetdaktsür. Iba anogomong ya Pochury kin kija masü saka Naga nunger ajunga den sentaktepa lir aser pei linük atema taküm bendanga agütsürtem kodanga mamatettsü,” ta sempet agütsüba sentong nung tongti tesemdanger, Adviser NBDA, NEPED, Naiba Konyak-i metetdaktsü.
“India mitkartemi tesüiba mapang, 1960 küm September ita 6 nü Pochury yimtsüng ka nung alir tebur ajunga khen nung tepsetba bilemteta iba anogomong ya amonger,” ta Village Council Chariman Matikhrü, MasiKatiry-i anogomong den sentakba osang jangshitsü.
Tan asayamong final nung Meluri FC aser United Brothers’ Club telok nati toktepa shilem agi aser Meluri teloki takok marok agizüka liasü.