SRK Fandom Awards Mumbai nung akatsü

Mumbai, September 20, 2016 : Takümbo SRK Fandom Awards social media nung masü saka Superstar Shah Rukh Khan indang fan-universe-i acha ayanga sentong tajung yanglua akatsü.
4buba SRK Fandom award sentong ya October 31, 2016 nü Club Millennium, Juhu, Mumbai nung akatsü aser sentong nung Bollywood ‘Badshah’ sapurtem alima ajak nungi adenshitsü imla atar.
Iba sentong nung stand-up comedy, kentenba aser tanga shilem aika ajanga shilem agitsü. Iba sentong ya YouTube, Facebook aser Twitter sabangtem nung live reprangtettsü.
“SRKUniverse-i teti alima nung aliba fans tem lungjemtsü nükjidong nung inyaker. Anungji tang tetenzüker sür onoki SRK Fandom Awards ya küm shia Mumbai nung amongtsü lemtetogo,” ta fan club SRKUniverse ngutetsang aser Fandom Awards sentong acha ayanger Muhammad Ashraf-i sangdong ka ajanga metetdaktsü.
“SRK Fandom Awards sentong ya pa sapurtem pelatepdaktsütsü, tepela lemsateptsü, ‘SRK’ tali ajungkettsü, pei atema tang mebilemi lungjemtsü aser fans rongnung ka ama pelateptsü nükjidong nung akarba lir,” ta Ashraf-i shisem.
Iba sentong nung Best Fan Club, Best Fan Girl, Best Fan Boy, Fastest News Breaker, Best Photo Editor, Friendliest SRKian, Best Video Editor, Number Cruncher SRKian, Funniest SRKian, Best Writer SRKian, Upcoming SRKian (male and female), Non-SRKian SRK Admirer, Most Peaceful SRKian aser ano telemsa aika nung sempet agütsütsü.
Iba award asoshi tenüng agütsütsü atema September 25, 2016 nü nungi October 20, 2016 nü tashi alitsü.