Priyanka-i ‘Sarvann’ atema Vashu den longjemer

Mumbai, September 21 (Agencies): Film Producer, Vashu Bhagnani-i actress, Priyanka Chopra den Punjabi production “Sarvann” atema longjemogo.
Priyanka Chopra-i tentetba, Purple Pebble Pictures (PPP)-i tanü sangdong ka ajanga, “Iba film nung onoki Vashu den inyaksemtsü aliba atema pelar. Onok indang regional film ventures takok nguogo aser tang mezüng Punjabi film-a takok angutsü imlar,” ta metetdaktsü.
Ano Vashu Bhagnani-ia Priyanka den inyaksemtsü maongka anguba atema pelaba lemsatepogo.
Pai, “Industry nung küm aika inyaka aruba sülen tang künati külemi inyaksemtsü maongka nguogo aser tang mezüng küna senteper Punjabi film tem produce asütsü,” ta ashi.
Priyanka tetsü, Madhu Chopra aser Vashu Bhagnani nati co-produce asüba “Sarvann” film ya tebur kati memeteti pai indang chichiba maitsü meteta akumba otsü lir.
Karan Guliani-i direct asüba film nung tongti shilem agirtemji Amrinder Gill, Ranjit Bawa aser Simi Chehail nunger lir.