School tanurtem atema National level tetoktepba sangdong

Kohima, Sept. 22 (TYO): School Education Dept-i nija aser sorkar school ajak dang class 8-10 pur ‘Save fuel for better environment & heath’ onük nung essay tetoktepba aser Class 5-7 (Junior) den class 8-10 purtem (Senior) atema “Clean fuel better life” omen nung Painting tetoktepba ketdangsüa akatsü metetdaktsüogo.
Item tetoktepba nung tetendanger züngsemtem  atema post Graduate tesayur kar shimtsü.
Essay ji olong 700 dak tema masütsüla aser ghonda ka tsüngda zülutsüla aser Hindi painting nung Junior aser Senior napronglai Art sheet A3 size amshitsüla. Tetoktepertemi pencil, pencil colour, crayons aser water colours dang amshitsüla.
Iba tetoktepba anogoji Aug. 16 nü nungi Oct.15, 2016 nü tashi nung nikongdang 3:00 ako matongdangsa akatsüla.
Osang tejangja www.pcracompetition.org  mesüra web site www.pcra.org competitions, html mesüra email: contact@pcra-competitions.org nung angutsü.