11 buba Imchaba Master Memorial Volleyball Trophy tanü tembangtsü

Lakhuni Sporting Club ‘B’ (achijilen) aser Lakhuni Sporting Club ‘A’ (abelen) tsüngda tatembangbuba quarterfinal toktepa asayaba noksa nung angur. (Mokokchung, September 22)

Mokokchung, September 22 (TYO): Mokokchung District Volleyball Association (MDVA)-i ayonga, Mokokchung kübok Multi Purpose Sports Complex nung tang tasayadak 11 buba Imchaba Master Memorial Nagaland Open Volleyball Trophy tan September ita 23 nü Nuklutoshi, Nagaland National Highway & Mechanical Engineering & Election Minister akum kübok tembangtsü.
Hokolbar nü mezüngbuba semifinal asaya Longsa Sport Association aser Friends United Chakpa aser tanabuba semifinal Sporting Club Mongkolemba aser Lakhuni Sporting Club ‘B’ na tsüngda asayatsü aser nikongdang 5:00 ako nungi tenzüka sentong tatsükba agiba sülen semifinal asaya akoker telok ana tsüngda final asayatsü.
Tan asayamong nung telok 15 tashi toktepa shilem agi aser tetenzüknü group asaya nung takok angur teloktemi tan Brehostibar nü quarterfinal asaya liasü.
1 buba quarterfinal nung Longsa teloki points 27-25; 25-19; 23-25; 25-18 agi Volleyball for Peace Nagaland telok takok; 2 buba quarterfinal nung Chakpa teloki points 26-28; 25-12; 25-23; 26-24 agi Kumlong Sporting Association tsükdaktsü; 3 buba quarterfinal nung Sporting Club Mongkolemba teloki points 25-22; 25-22; 25-16 agi Adventure Club Changtongya madak takok angu aser Lakhuni Sporting Club ‘B’ teloki points 25-13; 25-22; 25-12 agi Lakhuni Sporting Club ‘A’telok 4 buba quarterfinal nung tsükdakja liasü.