Aor MLA-temi mepishir

Dimapur, Sept. 22 (TYO):  Naga Hoho nungi Ao Senden, Sumi Hoho aser Lotha Hoho pilatsü telemtetba agia alibaji aritepa telemtetba magii ano khen bilemdangdaktsüner, kechiyong tang ama India den Naga yimten tebilemtsü jembiba mapang ka Naga nunger longjema alitsü nüngdaker, ta Nagaland Legislative Assembly nung Aor züngsem (MLA) ajak tenüng nung Wb. S.I.Jamir aser Wb.Nuklutoshi nati mepishia tanü yangi sangdong ka ajanga metetdaktsüogo.
Naga nunger kin asem Ao, Sumi aser Lotha kintemi shisabolua metetdaktsüba ken o ji Aor yimsüsürtemia angateta dang lir,  anungji telemtetba tajung kati arutsü atema lokti tentettem o state government na ajurutepa shisalemsateptsü nüngdaker, ta tenatisa metetdaktsü.
Tarutsü nung  nübortem taküm aser tarutsü tia dak kongshitsüsa atalokba ken o ajak nung Aor tatar  yimsüsürtemi Ao senden den yaritepa inyaktsü mulunga lir, ta parnokisa metetdaktsüogo.