Unity Village, Ao Baptist Arogotsüri “Living Bread Ministry” Semdang

Tsüngremer wadang tuluba aser terajemba nung inyakloka aoba rongnung  22-09 -16 anogo nung Unity Village Ao Baptist arogotsüri tenyaba mapa abensaa inyakba yaa ka liasü. Iba anogo nung parnoki tangar memenepertem nem achiajemtsü lemsaa agütsüba den külemi Tsüngrem o agi tanüla nung ajungmeso sentong tajung ka agiogo. Mezüngbuba tanga sentong kecha agia maodang Living Bread Ministry Office meshiteta sarasadem.Iba sentong Associate Pastor woman Wt. Imtila Jamiri kütdangsüa Tsüngrem O jembi aser Wt Limala tenzüklai tepela salem lemsatep aser arogotsüri bentsüba tenla LBM tenzüksang nem agütsü. Iba sülen LBM Founder-i tarur ajak pelaa agizükba o jembidang ashiba agi, iba “Living Bread Ministry” ya Yohan tapu 6: 48 nung amendaker tenzük ta ashi. Iba kasa sentong nungsa  tenüktelen nung tangar memenüpertemi “Alima medemertemi teimla samatsür, saka Yisuibo arua jenokang ta” teti atema teimla agütsür ta asüba ken ka atenba ajanga sentong nung atener ajunga temoatsü  tulu angu.