MALT-i SDEO office, Mangkolemba shibangtsütsü

Dimapur, September 23 (TYO): Mangkolemba Ao Lanur Telongjem (MALT)-i July 4, 2016 nü Nagaland Sub Divisional Education Officer (SDEO), Mangkolemba nung July 18, 2016 tashi nung Head Assistant (HA) ka agüjang ta takhangba agütsü saka tanü tashi ibaji mapa küma meinyak lir, ta MALT-i Nagaland Chief Secretary dangi züluba shidi ka nung shia lir.
MALT-i iba onük atema Parl. Secretary School Education, Commissioner & Secretary School Education aser Director of School Education, Nagaland nunger dangi temepishiba shiditem aika züluogo, ta Tir, Imjong Longkumer aser Repsem Zülur, Tinuniken Langu nati sangdong ka nung shia lir.
Iba onük atema July 4, 2016 nü MALT-i SDEO office nunga lungkak aitogo. Anungji, onok takhangba asoshi telangzüba tajung mangu tashi, September 28, 2016 anogo nungi MALT-i SDEO office Mangkolemba shibangtsütsü bangzünga renemogo. Iba dak sendakba nung timtem kar adokra, ibaji MALT khuret masütsü, ta MALT mendenpurtemisa metetdaktsü.