Chattissgarh nung Maoists asem tepset

Raipur, September 24 (Agencies): Tanü Chhattisgarh, Bastar division kübok tesem balala nung security sepaitem Maoists telungpur asem Bastar district aser Bijapur na nung kahsetogo, ta police-i ashi.
“Telungpur telok ka Maoist tongti lenir ka agizüktsü atema Indravati ayonga ajangdanger Bastanar-i odar ta osang angazük. Kasa osangji state intelligence branch-ia lazüka liasü,” ta Bastar Superintendent of Police R N Dash-i ashi.
Item osang nung ajemdaker District Reserve Group (DRG), Chhattisgarh Armed Force (CAF) aser district police longjemer operation aodang telungpur asemji kahset.
Telungur aser sepaitem tsüngda ghonda ka shi kahtepba sülen telungpurtem aremleni jena ao. Iba sülen sepaitemi Maoists telungpur tebur ana tasümang, 12 bore rifle ka aser SBML prangpong ka den oset aika angu,” ta police ketdangserisa ashi.
Ano tanga tatalokba ka nung Bijapur kübok Rengawaya yim anasa Kutru police aser DRG-i Bedre tesem nung Maoists ka kahset. Asür ket nungi 12 bore prangpong ka, muzzle loading prangpong ana, grenade ka, injang 30 angu.