GST Council Additional Secretary, Arun Goyal shimogo

New Delhi, September 24 (Agencies): Sangküm April mezüng anogo nungi tenzüka Goods and Services Tax (GST) mapa küma benoktsü nükjdiong yur taruba ita ana tsüngda GST Council-i tongtibang telemtetba aika agitsü, aser iba dak sentakba nung Honibarnü sorkari Arun Goyal GST Council Additional Secretary shimogo.
Appointments Committee of the Cabinet (ACC)-i, Central Staffing Scheme kübok tang tasen  kümtetba menden Additional Secretary, GST Council mapa abentsü atema Goyal shimogo, ta metetdaktsü.
“Central Staffing Scheme kübok tang tasen kümtetba menden Additional Secretary, GST Council  atema Project Monitoring Group, Cabinet Secretariat Additional Secretary, Arun Goyal, IAS (UT:1985) shimogo,” ta Personnel, Public Grievances & Pensions Ministry-i sangdong ka ajanga metetdaktsü.
Hokolbarnü GST Council senden mena liasü aser taruba sendenji September 30 nü amenba sülen October 17-19 anogotem nung amentsü.