Nagaland nung sorochiok angazükdak lapoka lir

Dimapur, Sept.23 (TYO) : Tanü lima nung chiyongtsü tapu balala soruchioka chiyongdaktsütsüba ya kidang kinungertem chiyongtsü asoshi dang masü saka hotel tapu balala, tayimtsü aser tzüim nung senzüba rongtem nung nübortem nem awazüa agütsüba ajanga senotsü ajangzükba lenmang tajung ka kümogo.
Ibaji dang masü saka ano chiyongtsü tapu balala yanglutetertembo kiyir benjong aser lokti senden balala nung chiyongtsü renemtsütsü asoshi mapa tajung angur. Item ama mapa peisasa inyaka senotsü aatsü lenmang sadema aliba agi tanü lanurtem asoshi Dimapur nung Global Open Univeristy nung Hotel Management course agütsür.
Iba course ya class 12 ajangatettertem asoshi küm asem agütsür aser ano soruchiok kisüng angazüktsü asoshibi class 8 tashi azüngertem nema ita asem course ka agitsü maongka agütsür. Iba ama soruchiokba aser aiener anepaluba mapatem angazüknüra Global Open University Nagaland nung ketdangsertem den mobile phone 9612152536 / 8575028601 ajanga tongteprateptsü akok mesüra parnok website nung reprangdangtsü akok.
Iba dakji alaka ano parnoki fashion & design mapatema sayur.