Japanese wireless sets ajanga Uri amakba nung Pak shilem sayur

Uri/Srinagar, September 25 (Agencies): Tawa Uri nung Army indang 12th Infantry Brigade headquarters amaker kiralongrartemi bener aruba Japan-made wireless sets ana ajanga iba amakba nung Pakistan-i shilem agia aliba kuli sayuogo.
Wireless sets nungji Urdu oshi nung ‘bilkul naya (brand new)’ ta zülua liasü.
Osang ajanga angazükba agi, Uri amakba bushisüngdanger, National Investigation Agency (NIA)-i wireless sets ji manufacturer ICOM dang nungi alizük ta bushitetogo.
Osangbenertem den jembidang Home ministry ketdangser kati, “Linüktem nung iba wireless sets ya security agency dang ang ayoker. Item model Pakistan nung ayokba indang onoki jangjatsü atema inyakdar. Onoki tim lenmang ajanga item osangji Pakistan nunger ketdangsertem dangi yoktsü,” ta metetdaktsü.
Kiralongrar pezü ket nung map sheets ana aser wireless sets ana densema oset 48 tashi angu, aser army-i item ajakji NIA nem agütsüogo.
Map sheets kabo rongtoker, ajisüaka marongba map sheet nung 8440, 8605, 2842 aser 3007 alibaji National Technical Research Labotarory (NTRO)-i ratettsü merangdar.
Ano wireless sets indang serial number temji Japanese compangy ICOM dena medemdangogo.
“2832349 aser 2832560 serail number aliba wireless set RS ICOM IC V82 Made in Japan aser battery mark BP 20 BN ji item number 13 nung lir,” ta parnokisa ashi.
Ano  I KALL mobile phone item number 14 nung lir aser iba nungji “Model no K 42, triple SIM IMEI …numbers…358064070318971” ta zülua lir.
Pathankot amaker kiralongrartem ama masü saka tawa Uri amakertemibo GPS device tem nungji data fed indoker (delete) liasü. Ajisüaka osang ajanga ashiba agi, item oset nung aliba serial number temji ajanga US company Garmin dang nungi alizükba osang jangjatsü, ta ashi.
Kiralongrartem ket nungsa ‘Ship’ ta zülua aliba kou-mesü ka aser ‘Chapet’ make lip conditioner ka liasü.
Parnok ket nungi anguba chiyungtsütem rongnung almond touzük gram 650, dates gram 700, rasin gram 50 liasü, koba ajanga parnoki protien aser sugar sapua achiba kuli sayur.
Parnok ket nungsa Pakistan, Karachi nung anguba energy drink Tango packets asem den süngjanglijang juice liasü.