Katrina, Fawad nati Karan Johar film nung shilem agitsü

New Delhi, September 25 (Agencies) : Dharma Productions indang taruba film nung Bollywood actress, Katrina Kaif aser Pakistan nunger actor, Fawad Khan nati shilem agitsü, aser iba film ya Delhi nung tangoktsüa akok.
Film tasenba indang official sangdongbo magütsü, ajisüaka interview ka nung arishi küm 33, Katrina Kaif-i la ‘Jagga Jasoos’ film tangokzükli project tasen ka nung ajemoktsü ta shiogo, ta Pinkvilla osang ajanga metetdaktsü.
Iba nüknürar film ya North India tsütsü tangoktsüsa akok. Director Aditya Dhar-i direct asütsü aliba film nüngjabo ano magütsü.
Iba ya Fawad atema Karan Johar’er Dharma Productions film tasembuba asütsü, tamalen pai ‘Kapoor and Sons’ aser ‘Ae Dil Hai Mushkil’ nung shilem agia lir.
Joko mapang tatsüka Fawad Khan-i Indian cinema nung shilem magi arur.