Moana film India nung December 02, 2016 nü sayatsü

New Delhi, September 24 (Agencies): Disney indang ‘Moana’ feature film nung actor Dwayne Johnson ola amshia lir, aser iba film ya India nung taküm December 2 nü sayatsü.
Iba feature film ya aiür chanu kati tsüngrem mesükba, Maui dang nungi teyari agia tzüyim nung mission ka tenzüka lai laji lenmang angurka ta kuli sayutsü aser lar nüburtem kümzüktsü merangba otsü lir.
Johnson-i Maui atema ola amshir. Iba movie nung Johnson-i tasenpur, Auli’i Cravalho den külemi shilem agir, Iba film ya “The Little Mermaid”, “Aladdin aser “The Princess & the Frog” film yanglur team Ron Clements aser John Musker nati yanglu.
Osnat Shurer-i produce asüba  ‘Moana’ ya 2D, 3D aser IMAX formats nung sayatsü.
“India nung Disney indang ‘Moana’ sayatsü atema onok yongyar. Iba film ya asayamenu agi sünga aliba Moana aser Maui na indang otsü lir. iba film ya lanurtem aser tanur densema kibongtem atema tapet asütsü,” ta Amrita Pandey, Vice President, Studios, Disney India-i sangdong ka ajanga metetdaktsü.