‘Koffee with Karan’ nung SRK, Alia Bhatt na mezüng tejaoker asütsü

New Delhi, September 26 (Agencies): Film yanglur Karan Johar-i ketdangsüba ‘Koffee with Karan’ sentong metenzükdangyongi olulu aika jembiogo aser TV repranger aikati iba mezüng episode nung shirnoki tejaoker ama shilem agitsü ta kanga yongyaa atadar.

BollywoodLife osang ajanga ashiba agi, Bollywood superstar Shah Rukh Khan aser actress, Alia Bhatt na iba mezüng sentong nung tejaokertem asütsü, aser iba sentong nung tenati ‘Dear Zindagi’ film ajungkettsütsü.

SRK aser Karan Johar na tsüngda mangatettep adoka lir ta olulu jembiba mapang ka nung iba osang angashir.

Karan-isa SRK den külemi Gauri Shinde indang Dear Zindagi ajungkettsütsü. Iba film nung Alia Bhatt aser SRK nati tongti shilem agir.

Ano SRK-ia Karan Johar-i direct asüba ‘Ae Dil Hai Mushkil’ film-a ajungkettsütsü.