Tanay Malhara-i 2 buba ‘Dance+’ takokba nguogo

New Delhi, September 26 (Agencies): Arishi küm 14 tain tsüngsanger, Tanay Malhara-i temaba jenjang ngua, television nung sayuba reality sentong, ‘Dance+ Season 2’ takokba ajangzükogo.

India kübok Maharashtra nung alisang, Malhara-i final tetoktepba nung Wild Rippers crew, Piyush Bhagat aser Sushant Khatri nunger den temaba jenjang ngua, tan takokbaji ajangzük.

“Tan tetoktepba akoktsü maongka anguba atema kanga pelar. Nisung aikati ni pusema nungittsü renema lir ni memeteti liasü saka parnok ajunga dang pelaba lemsateper,” ta Malhara-i tesülen metetdaktsü.

Malhara-i tan temaba jenjang anguba sülen takok marok den car gari 1 aser sen lakh 25 senpeta agizükogo.

‘Dance+ Season 2’ sentong nung choreographer/director mongin, Remo D’Souza tongti tetendanger liasü.