Vodafone-i Postpaid 4G Data Plans nung sen ajemer

September 26 (Agencies) : Reliance Jio tenzükba ajanga telecom company tem kanga mazüngi kümdaktsüogo. Taoba hopta Vodafone-i Flex inyakyim ajanga spectrum tuluba amshitsü meranger ta shiaka parnoki Mumbai nungi tenzüka 4G postpaid tariff plan melenshia tanga telecom company tem den tokteptsü tenzükogo.

Tan postpaid data plan tasenba Mumbai nung tenzükba sülen 4G/3G data indang 2GB nung sen 350 (tesüiba mapang sen 450), 4G/3G data indang 3GB nung sen 450 (tesüiba mapang sen 650), 4G/3G data indang 5GB nung sen 650 (tesüiba mapang sen 850), 4G/3G data indang 6GB nung sen 750, 4G/3G data indang 7GB nung sen 850, 4G/3G data indang 10GB nung sen 999, 4G/3G data indang 15GB nung sen 1,499 aser 4G/3G data indang 20GB nung sen 1,999 akümtsü.

Taoba hopta Vodafone Flex sayaba mapang Reliance Jio den toktepba tsütsü jembidang Vodafone India Commercial Director Sandeep Kataria-i, “India nübur noklang aika ket nung 4G phone mali. Vodafone Flex ya nübur aika ayimjemtsü nükjidong nung tenzük.

Tang nisung million 5 aser 10 indang masü saka nisung million 200 atema bilemtsü mapang lir,” ta ashi. Telecom company balalai Reliance Jio den toktepba ya tereprangnütsüka lir aser item company tem jagi Jio den putepa offer agütsütettsü asü magütsütettsüar ta nüburtemi yokyaseta atar.